Frægd er det norrøne ordet for ære. I denne romanen møter vi tre generasjoner menn frå ættegarden Hovland i Hardanger. Boka er ei saftig blanding av epledyrking, kraftindustri og oppvekstforteljing. Eit mellomaldersk mørke kastar svarte skuggar over Hovlandsgarden, og ei sanning som ikkje blir fortalt.Romanen Frægd tek lesaren med på dei mest forunderlege, fantastiske og overraskande ordreiser. Språket er saftig og fjellstøtt. Norrøne kvad møter amerikansk rap, rallarliv og industrihistorie møter griseslakt og eplehausting, ei skeiv oppveksthistorie møter sagalitteratur, populære songstrofer og dikt blir vevd saman med viltre og groteske hendingar til eit barokt veggteppe i mange fargar.